Millimizin üzvünün komandası 9 nəfərlə qalib gəldi

Millimizin üzvü Ozan Can Kökçünün çıxış etdiyi "Eyndhoven" Niderland 1-ci divizionunda 22-ci turun oyununa çıxıb.

Futbolxeber.az saytının məlumatına görə, komanda öz meydanında ikinci pillədə qərarlaşan "Herakles"lə qarşılaşıb.

Görüş Ozanın komandasının 1:0 hesablı qələbəsi ilə yekunlaşıb. 31-ci dəqiqədə hesabda önə keçən "Eyndhoven" 74-cü dəqiqədə meydanda 10, 77-ci dəqiqədə isə 9 nəfərlə qalsa da, sona kimi qələbə hesabını qorumağı bacarıb. 

Start heyətində yer alan Ozan Can Kökçü 84-cü dəqiqədə Rodriqo Pedrosa ilə əvəzlənib. 

Bu qələbə sayəsində xallarının sayını 39-a çatdıran "Eyndhoven" üçüncü pillədə qərarlaşıb. Komanda "Herakles"dən 5, lider "Zvolle"dən isə 11 xal geri qalır. 

Qeyd edək ki, əsasnaməyə əsasən, ilk iki pillənin sahibi birbaşa yüksək liqaya vəsiqə qazanır. 3-8-ci yerləri tutanlar isə pley-off oyunlarında 1 vəsiqə uğrunda mübarizə aparır.