Namik son turda meydana çıxmayacaq

"Bursaspor"da çıxış edən millimizin üzvü Namik Ələskərov Türkiyə 1-ci liqasının sonuncu - 37-ci turunda "Menemenspor"la matçı buraxacaq.

Futbolxeber.az saytının məlumatına görə, o, sözügedən görüş öncəsi məşqdə getmədiyi üçün iştirak ərizəsində yer almayacaq. Namiklə yanaşı digər legionerlər və əsas futbolçular Bursa təmsilçisinin 1-ci liqanı tərk edəcəyi dəqiqləşdikdən sonra məşqləri buraxıblar.

Bu səbəbdən sabah meydana U-19 və U-17 komandanın üzvləri çıxacaq.

Qeyd edək ki, "Bursaspor"un prezidenti Ömer Furkan Banaz açıqlamasında əcnəbi futbolçularının hamısının müqaviləsinə xitam veriləcəyini bildirib.