"Mahir Emreli ən yaxşı formada deyil"

Azərbaycan millisinin üzvü Mahir Emrelinin də çıxış etdiyi "Dinamo"nun (Zaqreb, Xorvatiya) baş məşqçisi Jelko Kopiç oyunçumuzun hazırkı durumu haqda danışıb. 

Futbolxeber.az saytının məlumatına görə, mütəxəssis yerli mətbuata açıqlamasında 24 yaşlı hücumçunun zədə səbəbindən komandadan kənarda qaldığı üçün formasında olmadığını deyib: 

"Emreli lazımi səviyyəyə çatacaq, amma bunun nə zaman baş verəcəyini söyləmək çətindir. Burada bir neçə amil var: onun kluba, komanda yoldaşlarına, liqaya uyğunlaşması və sairə. "Dinamo"ya gəlib dərhal öz keyfiyyətini göstərmək asan deyil. Xüsusən də ən yaxşı formada deyilsənsə və komanda ilə hazırlaşmamısansa. Mahir də hazırda uzun müddət komandadan kənarda qalan digər oyunçular kimidir. Emrelinin keyfiyyətli futbolçu olduğuna əminəm. İnanıram ki, bunu meydanda göstərəcək və hər şey öz yerinə düşəcək".