Nuriyev Premyer Liqanın bombardilərin yarışında zirvəyə şərik oldu

Ukrayna Premyer Liqasında 22-ci turun oyunları keçirilir.

Futbolxeber.az saytının məlumatına görə, Anatoli Nuriyevlə Rüstəm Əhmədzadənin çıxış etdiyi “Minay” bu turda “Desna”nı qəbul edib və 3:1 hesablı qələbə qazanıb.

Bu qələbədə azərbaycanlı futbolçuların böyük payı olub. Nuriyev görüşdə dubl edib. O, qollardan birini penaltidən vurub, digər qolu isə Əhmədzadənin ötürməsindən sonra vurub.

Rüstəm 66-cı dəqiqədə əvəzlənsə də, Anatoli 90 dəqiqə meydanda olub.

Nuriyev dubl etməklə bu mövsüm Ukrayna çempionatındakı qollarının sayını 10-a çatdırıb. O, Vladislav Kulaç ("Vorskla") və Viktor Tsıqankovla ("Dinamo", Kiyev) birlikdə bombardirlik yarışında ilk 3 sıranı bölüşdürür.

Qeyd edək ki, "Minay" 22 turdan sonra 18 xalla 14 komanda arasında 12-ci pillədə qərarlaşıb.