Asiya çempionunun millimizlə oyun üçün heyəti açıqlandı

Qətər millisinin DÇ-2022-nin seçmə mərhələsi çərçivəsində keçirəcəyi oyunlar üçün heyəti açıqlanıb.

Futbolxeber.az saytının məlumatına görə, baş məşqçi Feliks Sançes Lüksemburq, Azərbaycan və İrlandiya ilə qarşılaşmalar üçün 28 futbolçuya dəvət göndərib:

Qapıçılar: Saad Əl-Şib, Meşal Barşam (hər ikisi "Əl Sədd"), Mahmud Abunada ("Əl Arabi"), Salah Zakaria ("Əl-Duhail")

Müdafiəçilər: Pedro Migel, Abdelkarim Hassan, Tarek Salman, Ahmed Suhail, Musab Xeder, Salem Əl-Hacri (hamısı "Əl Sədd"), Bassam Əl-Ravi ("Əl-Duhail"),Tamim Əl-Muhaza, Homam Ahmed (hər ikisi "Əl-Qarafa")

Yarımmüdafiəçilər: Bualem Xuxi, Məhəmməd Vaad (hər ikisi "Əl Sədd"), Assim Madibo, Karim Budiaf, İsmayıl Məhəmməd, Abdulla Əl Ahrak (hamısı "Əl-Duhail"), Ahmed Fathi ("Piramidz", Misir), Abdulaziz Hatem ("Əl-Rayyan"), Xalid Munir ("Əl-Bakra"),

Hücumçular: Hassan al-Haydos, Yusuf Abdurisag (hər ikisi "Əl Sədd"), Məhəmməd Muntari, Almoez Əli ("Əl-Duhail"), Moayad Hasan, Ahmed Alaeldin ("Əl-Qarafa")

Qeyd edək ki, UEFA Qətər yığmasını Azərbaycan, Portuqaliya, Serbiya, İrlandiya və Lüksemburqun yer aldığı A qrupuna müsabiqədənkənar daxil edib. Asiya çempionu ilə matçlar hazırlıq xarakteri daşıyacaq və yekun sıralamada nəzərə alınmayacaq.

Qətər yığması martın 24-də Lüksemburq, martın 27-də Azərbaycan, martın 30-da isə İrlandiya seçməsi ilə üz-üzə gələcək. Oyunlar Macarıstanın Debretsen şəhərindəki “Nadyerdei” stadionunda baş tutacaq.