Dadaşovun komandasının oyunu yarımçıq dayandırıldı

ABŞ-ın USL çempionatında 15-ci turun oyunları keçirilir.

Futbolxeber.az saytının məlumatına görə, milli komandamızın üzvü Rüfət Dadaşovun forma geyindiyi “Finiks Rayzinq” səfərdə “San Dieqo Loyal”la qarşılaşıb. Lakin matç yarımçıq dayandırılıb.

Belə ki, ev sahiblərinin 3:1 hesabı ilə qalib gəldiyi birinci hissənin edilmiş 8-ci dəqiqəsində komandanın futbolçusu Kollin Martinin qımızı vərəqə ilə cəzalandırılıb. Nəticədə tərəflər arasında homofobiya məsələsi üzərində müzakirə getdiyi üçün onlar 2-ci hissədə meydana daxil olmayıblar.

Hələlik matçın taleyi və komandalarla bağlı qərar verilmədiyi bildirilib.

Qeyd edək ki, Rüfət sözügedən oyuna əsas heyətdə çıxmayıb.