Elvin Yunuszadənin komandası xalsız qaldı

Şimali Makedoniya çempionatında 7-ci turun oyunları keçirilib.

Futbolxeber.az saytının məlumatına görə, Elvin Yunuszadənin formasını geyindiyi “Şkupi” də növbəti matçına çıxıb.

Sözügedən komanda səfərdə “Ştruqa” ilə qarşılaşıb. Futbolçumuzun komandası bu oyundan məğlubiyyətlə ayrılıb - 0:2.

Elvin start heyətdə meydana çıxıb və sonadək mübarizə aparıb. Millimizin sabiq üzvü 67-ci dəqiqədə sarı vərəqə ilə də cəzalanıb.

Qeyd edək ki, “Şkupi” 7 oyuna topladığı 13 xalla 12 kollektiv arasında 2-ci pillədə qərarlaşıb.