“Səbail”in qəniminə qalib gəlib, ardıcıl 3-cü dəfə ölkə çempionu oldular

Rumıniya çempionatında 2019/2020 mövsümünün qalibi müəyyənbləşib.

Futbolxeber.az saytının məlumatına görə, son turda “Universitate Kraiova” öz meydanında ÇFR-lə qarşılaşıb.

Son tur öncəsi ÇFR rəqibini 2 xal qabaqlayırdı. Buna görə də qızıl medallara sahib çıxmaq üçün “Universitate Kraiova” mütləq qələbə qazanmalıydı. Meydan sahibləri 10-cu dəqiqədə hesabda önə keçsələr də, sonradan 3 qol vuran ÇFR əzmkar qələbə qazanmaqla qızıl medallara sahib çıxıb. Bu, ÇFR-in ardıcıl üçüncü çempionluğudur.

Xatırladaq ki, “Universitate Kraiova” ötən yay Avroliqada “Səbail”ə rəqib olmuşdu. Təmsilçimiz həm evdə, həm də səfərdə Rumıniya klubuna 2:3 hesabı ilə uduzmuşdu.