Klub prezidenti: "Dmitri Nazarov bu mövsüm güclü idi"

"7-ci pillə bizim üçün sensasion yerdir. Doğma meydanda çox matçda qələbə qazandığımıza görə bizə dəstək olan azarkeşlərə borcluyuq".

Futbolxeber.az saytının məlumatına bu fikirləri Azərbaycan milli komandasının futbolçusu Dmitri Nazarovun çıxış etdiyi Almaniyanın "Aue" klubunun prezidenti Helge Leonhardt "wochenendspiegel" nəşrinə müsahibəsində deyib.

II Bundesliqa təmsilçisinin rəhbəri mövsüm ərzində futbolçuların çıxışları barədə də danışıb.

O, oyunçuların və məşqçi heyətinin birlikdə uğur qazandığını söyləyib. Leonhardt qapıçıları Martin Mennelin daha yaxşı mövsüm keçirdiyini vurğulayıb: "Lakin Filipp Rise, Florian Kruger, Klemens Fandrix, Yan Hoşheydt və Dmitri Nazarov da bu mövsüm güclü idi. Marko Mixoyeviç mövsümün ilk yarısında əla oyun sərgilədi. Unutduğum digər futbolçular məni bağışlasınlar" (“Report”).