“Buffon hələ də 1 nömrə olduğunu sübut etdi”

“Napoli”nin qapıçısı Aleks Meret İtaliya kubokunun finalında “Yuventus” üzərində qazanılan qələbədən sonra (0:0, pen - 4:2) həmkarı Canluici Buffonun çıxışını dəyərləndirib.

Futbolxeber.az saytının məlumatına görə, 23 yaşlı qolkiper bildirib ki, Cici seyvləri ilə hələ də dünyanın ən yaxşı qapıçısı olduğunu sübut edib:

“Buffon hələ də dünyada 1 nömrədir. O, finaldakı 3-4 möhtəşəm seyvi ilə bir daha bunu sübuta yetirdi. Ona qarşı oynamaq mənim üçün şərəf idi. Buffon hər zaman kumirim olaraq qalacaq. Məhz bu səbəbdən də finaldakı qələbə mənim üçün çox xoşdur”.