Ronaldonun karyerasında ilk: ardıcıl 2 finalda uduzdu

“Yuventus” İtaliya kubokunun finalında penaltilər seriyasında “Napoli”yə uduzub (0:0, pen - 2:4).

Futbolxeber.az saytının məlumatına görə, bu yenilgi ilə həlledici qarşılaşmanın iştirakçıları arasında olan Kriştianu Ronaldonun karyerasında ilk yaşanıb. Portuqaliyalı ulduz klub karyerasında ilk dəfə ardıcıl 2 finalda uduzub.

Xatırladaq ki, 2019-cu ilin dekabrında Ronaldolu “Yuventus” İtaliya Superkuboku uğrunda qarşılaşmada “Latsio”ya 1:3 hesabı ilə məğlub olmuşdu.