Nazarovun komandası yenə uduzdu

Almaniya ikinci Bundesliqasında 32-ci turun oyunları keçirilir.

Futbolxeber.az saytının məlumatına görə, milli komandamızın yarımmüdafiəçisi Dmitri Nazarovun formasını geydiyi “Aue” bu tur öz meydanında “Bohum”u qəbul edib.

Meydana start heyətində çıxan Nazarov 90+4-cü dəqiqədə əvəzlənib. O, 73-cü dəqiqədə sarı vərəqə ilə cəzalanıb.

Görüş qonaqların 1:2 hesablı qələbəsi ilə yekunlaşıb. Son 5 oyunda 4-cü dəfə uduzan Nazarovun komandası hazırda 41 xalla 18 kollektiv arasında 10-cu pillədə qərarlaşıb. Bundesliqaya yüksəlmək şansını itirən “Aue”nin üçüncü liqaya yuvarlanmaq ehtimalı da yoxdur.