“Fənərbaxça”yla “Trabzonspor”dan qələbə

Türkiyə Superliqasının oyunları bərpa olunub.

Futbolxeber.az saytının məlumatına görə, ilk oyun günündə 2 qarşılaşma keçirilib.

27-ci tur çərçivəsində “Fənərbaxça” öz meydanında "Kayserispor"u qəbul edib. Artıq 12-ci dəqiqədə azlıqda qalan İstanbul klubu ikinci yarıda hesabda geri düşsə də, sonda inanılmaz əzmkarlıq nümayiş etdirib. Matçın 78 dəqiqəsini azlıqda keçirən “Fənərbaxça” sona 3 dəqiqə qalmış 2 dəqiqə ərzində vurduğu 2 qolla 3 xal qazana bilib.

Lider “Trabzonspor” isə “Göztəpə”nin qonağı olub. 3 xalı 3 qolla qazanan Trabzon təmsilçisi turnir cədvəlində vahid lider olub.

Türkiyə Superliqası

27-ci tur

12 iyun

“Fənərbaxça” - “Kayserispor” 2:1

Qollar: Mensah 59 (0:1), Muriqi 87-pen (1:1), Luiz Qustavo 88 (2:1)

Qırmızı vərəqə: Tufan 12 (“Fənərbaxça”)

“Göztəpə” - “Trabzonspor” 1:3

Qolar: Nvakaeme 16 (0:1), Ekuban 52-pen (0:2), Öztürk 57-pen (1:2), Omur 84 (1:3)

Qırmızı vərəqə: Guilherme 41 (“Trabzonspor”)

Qeyd edək ki, “Trabzonspor” 56 xalla Superliqanın vahid lideridir. “Başakşehir” 53 xalla ikinci, 50 xalı olan “Qalatasaray” isəüçüncü pillədə qərarlaşıb. “Sivasspor” 49 xalla dördüncü, “Beşiktaş” 44 xalla beşinci, “Fənərbaxça” isə 43 xalla “Alanyaspor”la birgə 6-7-ci yerləri bölüşdürür.