ÇL-in bütün oyunları Lissabonda

Lissabon Çempionlar Liqasının bu mövsüm keçirilməyən digər bütün oyunlarını qəbul edəcək.

Futbolxeber.az saytının “Bild”ə istinadən verdiyi məumata görə, Portuqaliya paytaxtı Frankfurt və Moskva ilə rəqabətdən qalib ayrılıb.

Bu mövsüm ÇL-in finalının ev sahibliyi hüququ İstanbulda idi. Lakin Türkiyə tərəfi epidimioloji vəziyyətlə bağlı UEFA-ya təminat verə bilməyib. Bu səbəbdən də UEFA koronavirusla bağlı durumu nəzərə alaraq yarışı 1/4 finaldan başlayaraq eyni şəhərdə keçirmək qərarına gəlib.

Qeyd edək ki, Portuqaliyanın bütün klubları ÇL-də mübarizəni dayandırıb.

Məsələ ilə bağlı yekun qərarın UEFA İcraiyyə Komitəsinin iyunun 17-də keçiriləcək iclasından sonra açıqlanacağı gözlənilir.