Platini: "İnfantino istefa verməlidi"

"Sui-qəsdin qurbanı olduğum həqiqəti mənə bəllidir".

Futbolxeber.az saytının məlumatına görə, bunu UEFA-nın sabiq prezidenti Mişel Platini ölkəsinin mətbuatına müsahibəsində deyib.

Fransız funksioner hesab edir ki, 2016-cı ildə FIFA sədrliyi səs çoxluğu ilə ona verilməli idi: "Görünür, İnfantino mənim prezidentlik yarışından kənarlaşdırılacağımı təmin etmək üçün 2015-ci ilin yayının əvvəlində yaranmış vəziyyətdən məharətlə istifadə edib. O, FIFA prezidentliyi vəzifəsindən istefa verməlidir".

Qeyd edək ki, Mişel Platini 2007-2015-ci illərdə UEFA-ya rəhbərlik edib. O, 2015-ci ilin dekabrında rüşvət qalmaqalına görə FIFA Etika Komitəsinin Arbitraj Palatasının qərarı ilə 8 il müddətinə futboldan kənarlaşdırılıb. Daha sonra onun cəzası 4 ilə endirilib.