UEFA Belçika klublarını avrokuboklara buraxmaya bilər

UEFA prezidenti Aleksander Çeferin Belçika klublarını koronavirus pandemiyası səbəbindən çempionatı vaxtından əvvəl tamamladıqlarına görə tənqid edib.

Futbolxeber.az saytının xarici KİV-ə istinadən verdiyi məlumata görə, Çeferin Belçika təmsilçilərini avrokuboklardan kənarlaşdırmaqla hədələyib:

"Düşünürəm ki, bu, yanlış yoldur. Belçikanın mövsümü oynamadan başa vurmaq istəyən liqaları növbəti mövsümdə avrokubsuz qalmağa risk edirlər".

Qeyd edək ki, daha əvvəl bildirilib ki, Belçika çempionatı koronavirus pandemiyasına görə birdəfəlik dayandırılacaq və “Brügge” çempion elan ediləcək.