“Atletiko”nun yarımmüdafiəçisi “Tottenhem”in hədəfində

“Tottenhem” heyətini “    Atletiko”nun yarımmüdafiəçisi Tomas Lemarla gücləndirməyi planlaşdırır.

Futbolxeber.az saytının “The Independent”ə istinadən verdiyi məlumata görə, London klubu 24 yaşlı futbolçunu yanvarda 6 milyon avroya icarəyə götürməyi, daha sonra isə 60 milyon avro ödəməklə yayda onu birdəfəlik heyətinə qatmaq istəyir.

2018-ci ilin yayında “Monako”dan “Atletiko”ya transfer olunan Lemar özü də klubunu dəyişmək arzusundadır. Madrid təmsilçisinin baş məşqçisi Dieqo Simeone də bildirib ki, fransız futbolçu hazırkı klubunda ümidləri doğrultmayıb.

Qeyd edək ki, Lemar cari mövsüm La Liqada meydana çıxdığı 15 oyunda nə qol vurub, nə də məhsuldar ötürmə müəllifi olub.