Balayev Qriqorçukun çempionluğuna mane ola bilmədi

Milli komandamızın qapıçısı Emil Balayevin komandası “Tobol” bu gün Qazaxıstan çempionatının 32-ci turunda öz meydanında lider “Astana”nı qəbul edib.

Futbolxeber.az saytının məlumatına görə, oyun “Qəbələ”nin sabiq çalışdırıcısı Roman Qriqorçukun komandasının 1:0 hesablı qələbəsi ilə başa çatıb. Bu qələbə sayəsində “Astana” sona 1 tur qalmış altıncı dəfə ölkə çempionu olub.

Əlavə edək ki, Emil Balayev bu matçda 90 dəqiqə meydanda olub.

Son 5 oyunda qələbəyə həsrət qalan “Tobol” turnir cədvəlində dördüncü pilləyə enib.