"İndiki "Yuventus" 8 il əvvəlkindən daha güclüdü"

"Yuventus"un müdafiəçisi Corco Kyellini "Frosinone"(2:0) ilə görüşü şərh edib.

 

Futbolxeber.az saytının Sky Sport İtalia nəşrinə istinadən verdiyi məlumata görə, Kyellini hazırkı komandanın çox güclü olduğunu bildirib: "Müdafiə olunan komandalara qarşı oynamaq çox çətindi. Çünki belə olanda, tələskənlik olur, qayda pozuntularına yol verməyə başlayırsan. Ronalda hər zaman komanda üçün çox önəmli oyunçu olacaq.

 

Bernardeskinin bu qədər artırması isə mənim üçün təəccüblü deyil. O, "Yuventus" üçün önəmli oyunçulardan olacaq. "Yuventus"un səviyyəsini necə qiymətləndirərdim? Mən, Lilian Tyuram, Fabi Kannavaro ilə eyni komandada oynamışam. Çiro Ferrera və Paolo Monteronun oynadığı "Yuventus"u isə yaxşı izləmişəm. Keçmişlə müqayisə aparmaq istəməzdim. Amma sözsüz ki, indi "Yuventus" səkkiz il əvvəlkindən daha güclüdü".