“Qriqorçuk “Qəbələ”nin yeni təklifinə razılıq verib”

"Qəbələ”nin baş məşqçisi Roman Qriqorçuk Latviya millisinə rəhbərlik etməyə razı olmayıb.

Futbolxeber.az saytının məlumatına görə, bu barədə Latviya Futbol Federasiyasının prezidenti Kaspar Qorkş bu gün jurnalistlərə bildirib. O deyib ki, 53 yaşlı ukraynalı mütəxəssis "Qəbələ”dən müqavilənin uzadılması ilə bağlı təklif aldığı üçün bu cür qərar verib.

“Mən Qriqorçukla dünən də danışdım. Hazırda ona klubundan yeni təklif var. O, bu təklifə ilkin olaraq razılıq verib. Əgər hansısa səbəblərdən Qriqorçukla müqavilə bağlanmasa, biz onunla danışıqları bərpa etməyə hazırıq. O, may ayının sonuna qədər qəti cavab verəcək. Amma hər hər halda biz çox da gözləyə bilmərik” (qol.az).