İstanbul derbisi: 4 qol, 3 "qırmızı"

Türkiyə Kubokunda yarımfinal mərhələsinin ilk oyunlarına yekun vurulub. Futbolxeber.az xəbər verir ki, İstanbul derbisində “Beşiktaş” öz meydanında “Fənərbaxça”nı qəbul edib.

 

"Vodafone Arena"da keçirilən oyunda meydan sahibləri erkən qolla hesabı açsa da, fasiləyə geridə yollanıblar - 1:2. Gərgin keçən matçda tez-tez ara qarışıb və fasilələr yaranıb. Bu səbəbdən 101 dəqiqə davam edən qarşılaşmada 3 qırmızı vərəqə göstərilib. Bunlardan ikisi “Fənərbaxça”, biri isə “Beşiktaş”a göstərilib. Sonda 9 nəfərlə qalan qonaqlar qələbəni əldən buraxıblar -  2:2. 

 

Qeyd edək ki, bu komandalar bir neçə gün öncə Türkiyə Super Liqası çərçivəsində qarşılaşmış və “Beşiktaş” 3:1 hesablı qələbə qazanmışdı.

 

Türkiyə kuboku

 

Yarımfinal, ilk oyun

 

1 mart

 

“Beşiktaş” - “Fənərbaxça” 2:2

Qollar: Neqredo, 14, Taliska, 82 - Soldado, 17, Özbayrak, 45+2

 

Qırmızı vərəqələr: Potuk, 44 (“Fənərbaxça”), Kuarejma, 52 (“Beşiktaş”), Dəmirəl, 77 (“Fənərbaxça”)

 

Digər yarımfinalın ilk matçında "Qalatasaray" səfərdə “Akhisar Bələdiyyəspor”a 2:1 hesabıyla qalib gəlib.