Araz Abdullayevdən möhtəşəm çıxışı komandasını zirvəyə daşıdı

Kipr çempionatında XIX turun oyunları keçirilir.

Futbolxeber.az saytının məlumatına görə, milli komandamızın üzvü Araz Abdullayevin şərəfini qoruduğu “Anortosis” öz meydanında lider AEK Larnaka ilə qarşılaşıb.

İlk yarıda hesabda geri düşməsinə baxmayaraq, Famaqusta təmsilçisi fasilədən sonra matçda dönüş yarada bilib.

Bunda isə Arazın inamlı oyununun rolu var. Belə ki, 2 məhsuldar ötürməylə yadda qalan Abdullayev komandasının 3:1 hesablı qələbəsində böyük pah sahibi olub.

Qeyd edək ki, bu qələbə sayəsində xallarının sayını 40-a çatdıran “Anortosis” turnir cədvəlində zirvəni ələ keçirib.