"Qəbələ"dən ayrılıb Koreyaya üz tutdu

Son mövsüm başa çatdıqdan sonra "Qəbələ" ilə yollarını ayıran isveçrəli futbolçu Daniel Subotiç özünə yeni komanda tapıb. Futbolxeber.az-ın məlumatına görə, 28 yaşlı hücumçu karyerasını Cənubi Koreyada davam etdirəcək. 

 

O, sözügedən ölkənin "Ulsan Hyundai" klubu ilə anlaşıb. Tərəflər 1 illik müqaviləyə qol çəkib. 

 

Qeyd edək ki, İsveçrənin “Bazel” klubunun yetirməsi olan Subotiç peşəkar karyerasına İngiltərədə başlayıb. 2008-2010-cu illərdə “Portsmut”a məxsus olan hücumçu icarə əsasında Belçikanın “Zulte-Varegem” (2008-2009) və İtaliyanın “Qrosseto” (2010) klublarında çıxış edib. Rumıniyada Krayovanın “Universtatya”  (2011) və “Tarqu Mureş” (2011-2012) komandalarının ardından Ukraynaya yollanan forvard 2012-13-cü illərdə “Volın”da forma geyinib. “Qəbələ”də keçirdiyi 2013-2014-cü illər mövsümünün ardından isveçrəli Küveytə yollanaraq 2014-2015-ci illərdə “Qadisiya” klubunda çıxış edib. 2015-ci ilin yayında Moldovanın “Şerif” klubu ilə anlaşan Daniel son 1,5 ili bu komandada keçirib. O, 2015-2016-cı illər mövsümündə Moldova çempionatının ən yaxşı bombardiri adına yiyələnib. Subotiç ötən mövsümün qış transfer dönəmində "Qəbələ"yə cəlb olunmuşdu.