“Xəzər Lənkəran”ın sabiq baş məşqçisi futbolçusu ilə dalaşdı

Bir neçə gün əvvəl Türkiyənin 1-ci Liqa təmsilçisi “Əskişəhərspor” klubuna baş məşqçi təyin olunan Mustafa Dənizli qalmaqalla gündəmə gəlib.

 

Futbolxeber.az-ın məlumatına görə, 67 yaşlı çalışdırıcı futbolçusu Ərkan Zənginlə dalaşıb. Qardaş ölkə mətbuatında bildirilir ki, məşq zamanı ayağından xəsarət alan Zəngin zədəli nahiyyəyə buz qoydurmaq üçün meydançadan kənara çıxıb. Ona əsəbləşən Dənizli “niyə özbaşına kənara çıxırsan” deyib. Nəticədə tərəflər arasında gərginlik yaşanıb. Futbolçunu məşqdən qovan Dənizlinin rəhbərliklə görüşərək onu müddətsiz olaraq, heyətdən kənarlaşdıracağı deyilir.

 

Qeyd edək ki, Türkiyənin tanınmış futbol mütəxəssislərindən olan Dənizli 2013/2014-cü illərdə Azərbaycanda - “Xəzər Lənkəran”da baş məşqçi işləyib.