Çindən Bakkaya növbəti təklif

“Milan”ın hücumçusu Karlos Bakka Çindən növbəti dəfə təklif alıb.

Futbolxeber.az saytının məlumatına görə, bu dəfə “Tyanzin Tsyuantsyan” kolumbiyalı forvardı heyətində görmək istəyir.

Çin klubu Bakkaya ildə 12 milyon avro əmək haqqı ödəməyə hazırdı ki, bu da təcrübəli forvardın hazırkı qazancından 4 dəfə çoxdur. 

Kolumbiya yığmasının üzvü təklifi qəbul etsə, “Milan” bu keçiddən 30 milyon avro qazanacaq.

Qeyd edək ki, “Tyanzin Tsyuantsyan”ı Fabio Kannavaro çalışdırır.