Droqba: "Bəxtimiz gətirib ki, o "Qalatasaray"da çıxış edir"

"Qalatasaray"ın hücumçusu Didye Droqba Çempionlar Liqasının 1/8 final mərhələsinin cavab oyunu çərçivəsində "Şalke"yə qarşı keçirdikləri oyun haqda danışıb. Futbolxeber.az xəbər verir ki, təcrübəli forvard yenidən turnirin qalibi olmaq istədiyini vurğulayıb: "Futbolda hər şey mümkündü. "Çelsi"nin heyətində ötən mövsüm etdiklərimi indi də "Qalatasaray"la təkrarlamaq istəyirəm. Düzdür, indikindən fərqli olaraq həmin vaxt mən fiziki cəhətdən ideal formada idim. "Şalke" ilə matçda da bir neçə dəfə top itkisinə yol verdim. Bu da səbəbsiz deyil. Yenidən Avropa futboluna qayıdıb, Çempionlar Liqası kimi nüfuzlu bir turnirdə əvvəlki kimi yüksəksəviyyəli futbol sərgiləmək heç də asan deyil".

Afrikalı hücumçu komanda yoldaşı, hücumdakı tərəfdaşı Burak Yılmazdan da söz açıb: "Burak Yılmaz turnirin bombardirləri siyahısında liderliyi bölüşür.  Bunu isə sadəcə bəxtlə əlaqələndirmək olmaz. O əsl istedaddır. Onun hər hücuma qoşulması rəqib qapısı qarşısına təhlükəyə səbəb olur. Bizim bəxtimiz gətirib ki, o "Qalatasaray"da çıxış edir. Bir qədər də üzərində işləməkıə o səviyyəsini daha da artıra bilər".