Futbolçuların yer aldığı təyyarədən yeni xəbər: qəzadan 10 nəfər sağ çıxıb

Braziliyanın “Şapekoense” klubunun futbolçularının yer aldığı, qəzaya uğrayan təyyarədən sağ çıxanlar var.

Futbolxeber.az saytının məlumatına görə, yaralıları “Le Ceja Hospital”a yerləşdiriblər. “360 Radio Colombia” bildirir ki, təyyarə qəzasında 10 nəfər sağ qalıb.

Təyyarə qəzasına hava və ya mexaniki nasazlıq səbəb olub. Ümumilikdə, təyyarədə 72 nəfər olub. Onlardan 27-si futbolçu idi. Qəzada həyatını itirənlər arasında jurnalistlər də var.

Xatırladaq ki, “Şapekoense” klubu Kopa Sudamerika çərçivəsində “Atletiko Nasional”la oyuna yollanırdı.