Maldini: “Spaletti “Zenit”də çalışmağımı istəyirdi”

“Milan”ın sabiq kapitanı Paolo Maldini bir neçə il öncə “Zenit”də çalışmaq imkanının olduğunu deyib.

Futbolxeber.az saytının məlumatına görə, veteran futbolçu Luçano Spalettinin təklifini geri çevirdiyini söyləyib:

“Spaletti məni “Zenit”ə dəvət etmişdi. O, köməkçi məşqçi kimi çalışmağımı istəyirdi. Lakin mən təklifi geri çevirdim. Məsələ “Zenit”, yaxud Rusiyada deyil. Mən sadəcə olaraq klubda çalışmaq istəmirdim. Burada ad və ya ölkə önəm daşımır”.

Qeyd edək ki, Spaletti 2009-2014-cü illər aralığında “Zenit”in baş məşqçisi olub. Maldini isə karyerasını 2009-cu ildə başa vurub.