“Qalliani dedi ki, “Milan”ın qapısı hər zaman üzümə açıqdır”

Dortmund “Borussiya”sının hücumçusu Pyer-Emerik Obameyanq sabiq klubu “Milan”a mümkün qayıdışından söz açıb.

Futbolxeber.az saytının məlumatına görə, afrikalı forvard “Milan”a qayıtmağın onun üçün şərəf olduğunu bildirib:

“Milan”da olarkən hər dəfə icarə barədə xəbəri eşitmək mənim üçün ağır idi. Bununla belə, klubla aramızda gözəl münasibət var. Çempionlar Liqasının son finalından öncə Adriano Qalliani ilə söhbətimiz oldu. Qalliani dedi ki, “Milan”ın qapısı hər zaman üzümə açıqdır. Mənsə cavab verdim ki, bu, mənim üçün şərəf olar”.

Xatırladaq ki, vaxtı ilə “Milan”ın gənclər komandasında forma geyən Obameyanq əsas komandada debüt etməyib. O, 3 il ərzində icarədə çıxış etdikdən sonra klubdan ayrılıb.