Batistuta "Fiorentina" - "Qarabağ" oyunundan danışdı

Argentina futbolunun canlı əfsanəsi Qabriel Batistuta ötən gecə Avropa Liqasında qrup mərhələsinin 2-ci turunda keçirilən "Fiorentina" - "Qarabağ" (5:1) oyununu izləyib. Futbolxeber.az saytının məlumatına görə, qarşılaşmadan sonra sözügedən oyun haqda danışan "Fiorentina" və "Roma"nın sabiq futbolçusu vaxtilə birgə oynadığı Françesko Totti ilə bağlı da fikirlərini bölüşüb:

"Fiorentina"nın oyununu analiz etməyə ehtiyac yoxdu, çünki rəqib 10 nəfərlə oynayırdı. "Fiorentina" turnirdə nə qədər irəliləyəcək? Bunu vaxt göstərəcək.

Tottini hələ də meydanda görəndə əsəbləşirəm (gülür). O böyük futbolçu və böyük insandı. Tottini futbolçu kimi bütün dünya tanıyır, ancaq insan kimi çox az adam... Mən xoşbəxtəm ki, onu tanıyıram".

Mənbə: futbolinfo.az