“Ştudqart”da 35 yaşlı baş məşqçi

Almaniyanın “Ştudqart” klubunun yeni baş məşqçisi müəyyənləşib. Futbolxeber.az saytının məlumatına görə, hazırda II Bundesliqada yarışan klubu Dortmund “Borussiya”sının U-19 komandasının baş məşqçisi Hannes Volf çalışdıracaq.

Ötən həftə Yos Luhukay klub rəhbərliyi ilə aralarında yaranan fikir ayrılığı səbəbindən “Ştudqart”ı tərk edib.

Qeyd edək ki, 35 yaşlı Volf Almaniyanın ən perspektivli məşqçilərindən biri hesab olunur. “Borussiya”nın U-17 komandası 2014 və 2015-ci illərdə onun rəhbərliyi altında ölkə çempionu olub. Ötən il Dortmund klubunun U-19 klubunu çalışdıran Hannes Volf bu komandaya da qızıl medalları qazandırıb.