“Reynaldoya qarşı oynamaq maraqlı olacaq”

 “Qarabağ”ın Çempionlar Liqasında “Viktoriya” ilə oyunlarına baxmışıq. Həmin görüşdə Azərbaycan komandasının pljenlilərə necə problem yaratdıqlarını gördük”. Futbolxeber.az saytının apasport.az-a istinadən verdiyi məlumata görə, bunu “Slovan”ın futbolçusu Yeqon Vux deyib.

Çexiya təmsilçisi Avropa Liqasının qrup mərhələsi çərçivəsində bu gün “Qarabağ”ın qonağı olacaq.

Oyunla bağlı Çexiya mətbuatına danışan 25 yaşlı yarımmüdafiəçi Ağdam təmsilçisindən çəkindiklərini etiraf edib: “Qarabağ” “Viktoriya” ilə qarşılaşmada topa nəzarət edən tərəf idi və rəqibə oynamaq imkanı vermirdi. “Viktoriya”nın müdafiəçisi David Limberski onlara qarşı necə oynamaq lazım olduğunu mənə deyib. O, “Qarabağ”la görüşdə hücuma necə keçmək gərəkdiyini söyləyib. Bilirik ki, Azərbaycan klubu yüksək səviyyəli futbolçulara malikdi. Xüsusən də, hücumçuları Reynaldonun adını çəkməliyəm. Belə oyunçulara qarşı oynamaq bizim üçün də maraqlı olacaq”.

Qeyd edək ki, “Dalğa Arena”da keçiriləcək “Qarabağ” - “Slovan” matçı saat 19:00-da başlayacaq.