Löv: “Ukraynaya qarşı çox diqqətli, ehtiyatlı olmalıyıq”

Almaniya millisinin baş məşqçisi Yoahim Löv sabah AVRO-2016-nın ilk turu çərçivəsində Ukraynaya qarşı keçirəcəkləri oyundan danışıb. Futbolxeber.az saytının məlumatına görə, alman mütəxəssis Ukrayna yığmasının güclü rəqib olduğunu vurğulayıb: “Həftə ərzində biz Ukrayna millisinin güclü və zəif cəhətlərini analiz etmişik. Deyə bilərəm ki, Ukrayna fiziki cəhətdən güclü, dinamik komandadır. Hansı ki, 90 dəqiqə ərzində yüksək tempdə oynamağa qadirdi. Ukraynalıların cinah oyunçuları çox sürətlidirlər. Əks-hücumlarda onlar rəqibə problem yaratmağı bacarırlar. Qələbə qazanmağımız üçün bütün fikrimizi öz oyunumuza yönəltməliyik. Əlimizə düşən imkanları qola çevirməliyik. Bu halda Ukraynanı məğlub etməyimiz mümkündür. Hər bir oyunçu nə istədiyimi bilir. Ukraynaya qarşı çox diqqətli, ehtiyatlı olmalıyıq.