Brokki iddialı danışdı: “İşimlə digərlərindən fərqlənəcəyəm”

Kristian Brokki “Milan”ın baş məşqçisi təyin olunmasına münasibət bildirib. Futbolxeber.az saytının məlumatına görə, gənc məşqçi fəaliyyəti ilə digər həmkarlarından fərqlənəcəyini qeyd edib: “Mən “Milan”ın oyunçularının nəyə qadir olduqlarını yaxşı bilirəm. Mütəmadi olaraq komandanın çıxışını izləyirdim. Komandaya öz fəlsəfəmi aşılamaq istəyirəm. Mənim işim digər məşqçilərin fəaliyyətindən fərqlənəcək. Bəzi futbolçuların dəyişikliyi qarşı çıxmalarını da normal qarşılayıram. Onlar eyni adamları görməyə öyrəşmişdilər. Klub rəhbərliyinin təyinatı barədə nə deyə bilərəm ki? Onsuz da məni Milanelloda tanıyırlar. Başqasını axtarmağa ehtiyac yox idi. Tezliklə futbolçular onlardan nə tələb etdiyimi anlayacaqlar”.