Obama: “Qadınların və kişilərin futboldakı əziyyəti eyni dərəcədə qiymətləndirilməlidir”

ABŞ prezidenti Barak Obama futbolçuların qazanclarından danışıb. Futbolxeber.az saytının məlumatına görə, dövlət başçısı futbolda qadınların və kişilərin əziyyətinin eyni dərəcədə qiymətləndirilməli olduğunu vurğulayıb: “Bu məqam bizim iqtisadiyyatımızda əsas tutulmalıdı. Əsas məsələ budur: siz yaxşı pedaqoq, menecer və ya futbolçu ola bilərsiz. Amma bu halda qazancınız cinsinizə görə fərqlənməməlidir. Kişi və qadının eyni sahədə bərabər qazancı ideal variantdır. Lakin biz bu planda ümidləri doğrultmuruq. Bununla belə, istəməzdim ki, hansısa aparıcı oyunçumuz Rio-de-Janeyrada keçiriləcək olimpiadadan kənarda qalsın”.

Qeyd edək ki, Obamanın bu çıxışı təsadüfi deyil. Belə ki, bu günlərdə ABŞ-ın futbol üzrə qadınlardan ibarət millisinin üzvləri kişilərlə müqayisədə qazanclarının az olması səbəbindən qarşıdakı Olimpiya Oyunlarını boykot etmək fikrində olduqlarını bəyan ediblər.