İstanbulda “Putin maykası” ilə qalmaqal yaradan futbolçu danışdı: “Bu, mənim ideyam idi”

Moskva “Lokomotiv”inin yarımmüdafiəçisi Dmitri Tarasov dünən “Fənərbaxça” ilə oyunda Rusiya prezidenti Vladimir Putinin fotosu olan və üzərində “Ən nəzakətli prezident” yazılan maykasından danışıb. Futbolxeber.az-ın məlumatına görə, Tarasov təxribat yaratmaq istəmədiyini qeyd edib: “Bu, mənim ideyam idi. Hər hansı təxribat yaratmaq fikrim yox idi. Mən ölkəsini sevən bir patriotam. Vladimir Putin də dövlətimizin başçısıdı. Maykada qeyri-adi heç nə yoxdur. Bu maykanı oyundan sonra, azarkeşlərimizi minnətdarlığımı bildirərkən nümayiş etdirdim. Bu maykanı daha əvvəl də geymişdim. Amma bu dəfə diqqət çəkdi. Oyun Moskvada olsaydı, hər hansı problem yaranmazdı”.

Qeyd edək ki, Tarasov bu hərəkətinə görə 10 oyunluq cəzalan bilər.