“Real” 140 milyonluq rekord müqavilə imzalayacaq

“Real” və “Adidas” arasında yeni sponsorluq müqaviləsi haqda aparılan danışıqlar yekunlaşmaq üzrədi. Futbolxeber.az-ın məlumatına görə, yeni sözləşməyə əsasən “Kral klubu” ildə 140 milyon avro qazanacaq. Müqavilənin müddəti 10 illik olacaq. Bu isə o deməkdir ki, ümumilikdə “Real” 1,4 milyard avro qazanacaq.

Qeyd edək ki, sözləşmə imzalanacağı halda, bu, rekord göstərici olacaq. Buna qədər “Adidas” ən çox “Mançester Yunayted”ə ildə 98 milyon avro ödəyib.