Sergey Rebrov: “Mançester Siti”nin zəif cəhətləri var”

Kiyev “Dinamo”sunun baş məşqçisi Sergey Rebrov Çempionlar Liqasının 1/8 final mərhələsinin püşkünü dəyərləndirib. Futbolxeber.az-ın məlumatına görə, ötənlərin məşhur forvardı “Mançester Siti”ni keçə biləcəklərini qeyd edib: “Püşkün nəticəsini normal dəyərləndirirəm, oynamaq olar. Təbii ki, “Mançester Siti” güclü komandadır. Amma Çempionlar Liqasında zəif rəqib olmur. Daha əvvəl bu komandanı məğlub etmişik. Rəqibi hərtərəfli analiz edəcəyik. Hər bir komandanı çatışmayan cəhəti var. Oyunlara hələ vaxt var. Fevrala kimi rəqibi yaxından tanıyacağıq. Əminəm ki, “Mançester Siti”nin də zəif cəhətləri var”.