Covinko rekord imza atmaqla “Qızıl buts”a sahib çıxdı

MLS-də mövsümün bombardiri “Toronto”nun və Italiya millisinin hücumçusu Sebastyan Covinko olub. Futbolxeber.az-ın məlumatına görə, 28 yaşlı forvard 33 oyunda 22 qol vurub, 16 məhsuldar ötürmə verib. Covinko kimi “Kolambus Kryu”nun hücumçusu Key Kamara da mövsüm ərzində 22 dəfə fərqlənib. Lakin o, məhsuldar ötürmə sayında (8) Covinkodan geri qalıb. Covinko həm də çempionatın ən yaxşı assistenti adına sahib çıxıb. Təcrübəli forvard bu göstərici ilə mütləq rekorda imza atıb. 22 qol+16 məhsuldar ötürmə - bu nəticəyə 1 mövsümdə MLS-də heç bir futbolçu imza ata bilməmişdi. Buna qədər rekord “San-Xose Ertkuyks”un hücumçusu Kris Vondolovskiyə məxsus idi. 2012-ci ildə Vondolovski 27 qol və 7 məhsuldar ötürmə müəllifi olub.