“Qızıl top”a namizəd olan 23 futbolçunun adı açıqlandı

FIFA “Qızıl top”a namizəd olan 23 futbolçunun adını açıqlayıb. Futbolxeber.az-ın məlumatına görə, siyahıda “Barselona”nın 6, “Real” və “Bavariya”nın isə 5 futbolçusunun adı yer alıb. Siyahı aşağıdakı kimidir:

Serxio Aquero, Yaya Ture (hər ikisi “Mançester Siti”, Kevin de Bruyne (“Volfsburq”/”Mançester Siti”, Qaret Beyl, Kərim Benzema, Kriştianu Ronaldo, Toni Kroos, Xames Rodriges (hamısı “Real”), Eden Azar (“Çelsi”), Zlatan Ibrahimoviç (PSJ), Andreas Inyesta, Neymar, Xavyer Maskerano, Lionel Messi, Ivan Rakitiç, Luis Suares (hamısı “Barselona”), Robert Levandovski, Tomas Müller, Aryen Robben, Manuel Noyer (“Bavariya”), Arturo Vidal (“Yuventus”/”Bavariya”), Pol Poqba (“Yuventus”), Aleksis Sançes (“Arsenal”).

30 noyabrda milli komandaların baş məşqçilərinin və kapitanlarının, eləcə də KIV nümayəndələrinin səsverməsi nəticəsində mükafat 3 namizədin adı açıqlanacaq.

“Qızıl top”un sahibi isə 11 yanvar 2016-cı ildə Sürixdə keçiriləcək mərasimdə məlum olacaq.