“Qarabağ”ın rəqibi ardıcıl 4-cü oyunda da qələbəyə həsrət qaldı

İngiltərə Premyer Liqasında 4-cü turun oyunları keçirilir. Futbolxeber.az-ın məlumatına görə, Avroliqada “Qarabağ”la eyni qrupda yer alan “Tottenhem” öz meydanında “Everton”la qarşılaşıb. “Uart Hart Leyn”də baş tutan qarşılaşmada qapılara qol vurulmayıb. Bununla da “Tottenhem” cari mövsüm ölkə çempionatında keçirdiyi 4-cü oyunda da qələbəyə həsrət qalıb. İlk turda “Mançester Yunayted”ə uduzan London klubu əvvəlki 2 oyununda da meydandan heç-heçə ilə ayrılıb.

Qeyd edək ki, 4 turdan sonra aktivində 3 xal olan “Tottenhem” 15-ci pillədə qərarlaşıb.