Mihayloviç: “Milan”ın məqsədi bu mövsüm ilk “üçlüy”ə düşməkdir, amma...”

“Milan”ın baş məşqçisi Sinişa Mihayloviç komandasının qarşıdakı mövsümdəki məqsədi haqda danışıb. Futbolxeber.az-ın məlumatına görə, serb mütəxəssis məqsədlərinin ilk “üçlüy”ə düşmək olduğunu bildirib: “Hələ ki, “Milan”da təəssüratlarım yaxşıdır. Biz işə sıfırdan başladıq. Oyunçuları, taktikanı, işə yanaşmanı dəyişdik. Zamanla hər şeyi öz yoluna qoyuruq. “Milan”ın cari mövsüm üçün hədəfi ilk “üçlüy”ə düşməkdir. Amma mövsümün startına kimi daha bir neçə futbolçu ilə güclənsək, hədəfimiz böyüyəcək. Üzərimdə hər hansı təzyiq hiss etmirəm. Əksinə, işimdən zövq alıram və bu, məni daha da motivasiya edir. Risk etməkdən çəkinmirəm”.