Azərbaycanın "Latsio" ilə danışıqlar apardığı rəsmən təsdiqləndi

Azərbaycan şirkətinin İtaliyanın "Latsio" klubuna sponsorluq edə biləcəyi haqda xəbərlər rəsmən təsdiqlənib. Futbolxeber.az-ın məlumatına görə, ölkəmizin İtaliyadakı səfiri Vaqif Sadıqov İtaliyanın məşhur "Corierre dello Sport" nəşrinə açıqlamasında adını açıqlamadığı Azərbaycanın bir özəl şirkətinin Roma təmsilçisi ilə danışıqlar apardığını bildirib: "Həqiqətən də Azərbaycan şirkətlərindən biri "Latsio" ilə danışıqlar aparır. Onu deyim ki, futbol Azərbaycanda ən önəmli idman növlərindən biridir. Biz də futbola böyük sevgi və həvəslə yanaşırıq".

V.Sadıqov danışıqların məğzini açıqlamayıb.

Qeyd edək ki, Azərbaycan şirkətinin İtaliya klubuna sponsorluq edəcəyi ilə bağlı xəbərlər üç ay öncə yayılmışdı.

Mənbə: qol.az