“Barselona” Poqbanın transferi ilə bağlı “Yuventus”la danışıqları aparır

“Barselona” Pol Poqbanın transferi ilə bağlı “Yuventus”la danışıqları davam etdirir. Futbolxeber.az-ın məlumatına görə, bu günlərdə Milanda Kataloniya klubunun idman direktoru Aredo Braydo ilə “Qoca Sinyora”nın baş direktoru Beppe Morata arasında görüş baş tutub.

İtaliya mətbuatı yazır ki, Poqba uğrunda mübarizədə favorit elə “Barselona”dır. Kataloniya klubunun prezidenti postuna hər iki namizəd - həm Jozep Bartomeu, həm də Joan Laporta Poqbanı komandaya gətirmək istəyir.

“Mançester Siti” fransız futbolçuya daha sərfəli müqavilə təklif edir. Üstəlik, əmək haqqı da yüksəkdir. Lakin futbolçu özü “Barselona”da forma geymək istəyir.