Alleqri: “Barselona”nın da zəif cəhəti var”

“Yuventus”un baş məşqçisi Massimiliano Alleqri Çempionlar Liqasının finalında “Barselona”ya qarşı keçirəcəkləri oyundan danışıb. Futbolxeber.az-ın məlumatına görə, italiyalı mütəxəssis hər bir komanda kimi Kataloniya klubunun da zəif cəhətinin olduğunu qeyd edib: “Hər bir futbolçum bütün gücünü meydanda qoymalıdır. Final cəmi 1 oyundan ibarətdir. Uduzan tərəfin revanş almaq imkanı olmayacaq. Fiziki cəhətdən oyuna hazırıq. Psixoloji cəhətdən də ideal vəziyyətdə olmalıyıq. “Barselona”nın heyətində yaxı futbolçular var. Güclü rəqibə qarşı oynayacağıq. Lakin hər bir komanda kimi “Barselona”nın da zəif cəhəti var”.