David Luiz: “Nou Kamp”da “Barselona”ya 3 qol vura bilərik”

PSJ-nin müdafiəçisi David Luiz Çempionlar Liqasının 1/4 final mərhələsinin ilk oyunu çərçivəsində “Barselona”ya 1:3 hesabı ilə uduzduqları görüşü şərh edib. Futbolxeber.az-ın məlumatına görə, braziliyalı futbolçu səfərdə bu məğlubiyyətin əvəzini çıxa biləcəklərini bildirib: “Biz “Nou Kamp”da “Barselona”ya 3 qol vura bilərik. Bu, çox çətin olacaq. Buna kimi mövsüm ərzində öz meydanımızda qapımızda 3 qol görməmişdik. Lakin komandamıza inanıram. Biz səfərdən istədiyimiz nəticə ilə qayıda bilərik”.