“Qarabağ”ın rəqibi öz meydanında xal itirdi

Ukrayna çempionatında 12-ci turun oyunları keçirilir. Futbolxeber.az-ın məlumatına görə, Avroliqanın qrup mərhələsində “Qarabağ”ın rəqibi olan “Dnepr” öz meydanında “Hoverla” ilə üz-üzə gəlib. Matç 1:1 hesabı ilə başa çatıb. Kaliniç 57-ci dəqiqədə “Dnepr”i hesabda önə keçirsə də, qonaqlar 3 dəqiqə sonra bərabərlik qolunu vurublar. “Dnepr”i hesabda önə keçirən Kaliniç, 83-cü dəqiqədə meydandan qovulub.

Qeyd edək ki, bu xal itkisi səbəbindən “Dnepr” liderliyə yüksələ bilməyib. Hazırda komandanın aktivində 27 xal var. Ukrayna çempionatının lideri isə eyni hala sahib olan, lakin 1 oyun az keçirən “Şaxtyor”dur.