“Vest Bromviç”lə oyundan öncə “Çelsi” üçün şad xəbər

Premyer Liqanın 12-ci turu çərçivəsində lider “Çelsi” öz meydanında “Vest Bromviç”i qəbul edəcək. Futbolxeber.az-ın məlumatına görə, London klubunun aparıcı üzvü Dieqo Kosta bu matçda forma geyə biləcək. “Çelsi” fanatlarını sevindirən bu xəbəri baş məşqçi Joze Maurinyo verib: “Son 2 həftədə demək olar ki, Dieqo məzuniyyətdəydi. Amma bu məzuniyyəti o, fizioterapevtin yanında keçirdi. Tibbi personalın və futbolçunun səyləri öz bəhrəsini verdi və Kosta artıq meydana çıxmağa hazırdı. Onun oynamaması üçün heç bir maneə yoxdur”.

Qeyd edək ki, cari mövsüm Premyer Liqada 9 oyuna çıxan Dieqo Kosta 10 qol vurmağa müvəffəq olub.