İnzagi: “20 ildən sonra da “Milan”ın baş məşqçisi olacağam”

“Milan”ın baş məşqçisi Filippo İnzagi gələcək karyerası haqda danışıb. Futbolxeber.az-ın məlumatına görə, SuperPippo hazırki klubunu hələ uzun illər çalışdıracağıma əmin olduğunu vurğulayıb: “Mən “Milan”da Aleks Ferqyussonun “Mançester Yunayted”də etdiklərini təkrarlamaq istəyirəm. Klub prezidenti də nə istədiyimi bilir. “Milan” mənə bu günə kimi çox şey qazandırıb. 20 ildən sonra da “Milan”ın baş məşqçisi olacağam. Bunu mən yox, Silvio Berluskoni deyir. Komandamızda əla ab-hava var. Halbuki işə başlamamışdan öncə daha ciddi problemlərlə qarşılaşacağımı düşünürdüm. Yeni mübarizəyə başlamışıq. Bu yolda ilk məqsədimiz Skudettonu “San Siro”ya qaytarmaqdır”.