Cerrard: “Barselona”nın bəxti gətirdi ki...”

“Liverpul”un kapitanı Stiven Cerrard sabiq komanda yoldaşı Luis Suarezin “Qızıl buts”a sahib çıxması haqda danışıb. Futbolxeber.az-ın məlumatına görə, təcrübəli futbolçu uruqvaylı forvarda uğurlar arzulayıb: “Təəssüf ki, indi Luisin yanında deyiləm və onun sevincinə şərik çıxa bilmirəm. Lakin “Liverpul”la bağlılığı olan hər kəsi təbrik edirəm. Luis bu mükafata layiqdir. O, əla mövsüm keçirdi. Suarezin ötənilki çıxışı fantastik idi. “Barselona”nın bəxti gətirdi ki, heyətini Suarez kimi futbolçuyla gücləndirdi. O, qarşıda hələ çox fərdi mükafat qazanacaq. Suarezə gələcəkdə də uğurlar arzuyıram”.